টিপচাকিৰ পোহৰত
বিশ্বজিত শইকীয়া
কাৰ্বি আংলং
হাতৰ টিপচাকিটো নুমাও নুমাও
ৰিনিকি ৰিনিকি বাজি আছিল
আন্ধাৰ আৰু পোহৰৰ সানমিহলি
এটা গান।
সৰি পৰিব খোজা হালধীয়া
কদমৰ পাত এটাত
লিখা আছিল কেইটামান পুৰাকথাৰ সাধু।
নোহোৱা হৈ অহা কেইটামান
বালি খোজৰ চিহ্ন,
সাগৰে ধুই নিয়া জীয়া মানুহৰ
জীয়া অস্তিত্ব।
কোনোবা এজাক বতাহত
উৰি অহা এটা
মেৰুদণ্ডহীন ভবিষ্যতৰ জঁকা
(মাংসপেশীবোৰ শগুনে খোৱা)
নুমাও নুমাওকৈ জ্বলি থকা
টিপচাকিটোৰ পোহৰত
সদায়ে উলমি থাকে সপোনৰ
এটা কংকাল।
ফোনঃ ৬০০১৫২৬৮২৫
Doksiri দকচিৰি, নৱেম্বৰ, ২০২৩
.jpeg)
No comments:
Post a Comment