MIMAG
Digen Taid
Majuli
No aroru:pé abotani:ké omma:ngémílo
Sé:dí me:lo ru:néké ru:namrungémílo
Pomsi asiki írmo írmola írnamrungémílo
No,nolu appíngé okkom ka:ladu:n.
Turra du:napé kama:bong amongé
Yubngaksula du:pé kama:bong ayiré,
Iyyém bila mimakko moma:mílo
Nokké dung-kolo du:po pomayé
Méngaksula du:mílo mé:po pomayé;
Nolukké a:ngém kínggí:suma:mílo.
Ro-yampo émna ayirém du:paksumílo
Po:lo dítak taglíngé gítíl géyépé,
Siyang siya:la jé:la gogdaggom
Gíné adíé nolum gogríksukuma:yé;
Édé gíné longé kídí:dé gílatkuma:yé.
Sí:ro-méloké nokké gerténg gíténgém
Sí:ro sillung síggab gígab bomma:mílo
Lédugampé émna tíkutsula mépo:mílo
Édébí okolosin, édílosin arré kama:yé.
Doksiri দকচিৰি, নৱেম্বৰ, ২০২৩
No comments:
Post a Comment