A:M

 A:M

Someswor Médog

"se:ko okolo dun darabamto, lento, élé rangkob arígé:lém si:lo

gadampé lagidung ; yumé yummém a:mém tékpagné tapumé lendung émdag, télé Ngeborké arígém dongaba:mdanto:bo émdag , légangé lomdanla gatpakpé lagido." Tambor Pa:tírbí rokom ta:sipé  éradok se:ko okkom ipé:naméji je:tag kutagla agerém orríga:mto.

" yaméng  abíngbí okumso du:to, apin-oying yi:pénamé. Odok akke appíngé aríg gípaye, a:m gatpaye,ayirlok agerém ayirlo gerbompa:ye. Ékémam lédulo kabdaggom pangku:ma:do."

"Monbabí okolan, Do:nyi lo:yingka:bo, supakpéi darabman ai ? Nolu kapé tanipé badyené ai ? Ngolu ya:medo porog kogdod:bo: pétu nangol mokapé gído:a:i. Oi kabla kabla se:ko darappo:la a:lém gíbanya:yeji ménka:mínsudungai.  Édíloi ansing ansingo:pé a:l gíla:  do:nyi sa:dolo  dora ako gílenge:la so:bom nésin domodungai. Oko adía:né édé:bulu. Édémíngpé pétu-pe:ka, a:mé:sin airupé aidungai; kémsung so:nyi-songumko gatsadungai."

" Dangori rígla longédok gadnamém longédoi jo:sipénamé, sinyum-si:ro adí aima,

so:bo,sobené:bulu dodagrung dopsoné:sin doppagbomdag." Míjidé lusi:to.

"Sa, sa lomdanla  lento, ngetkut-ngadlatsuyo. Lomla lento sa." Mijingdê

Lékosin urtoku.

Doksiri দকচিৰি, ডিচেম্বৰ, ২০২৩