ANÉ AGOM

 

ANÉ AGOM

                   Bipin Taye

     Rai chapori Dolopa 

Mé:sa sa:yémílo silo

Asinsé aipé pésoko kadag

Ni:tomko tatpa:yémíl

Asinsé mé:dírko a:dag.

Mé:tomko adpé mé:dom

Abígsém kanggel miksé díleddag.

Yakané muksubé yíngkomdag asinsém 

Ané agomsé siyene émna pésoko kadag..

Émpigela...kadulang ngokkémpé

Ané agomsém mé:bola tonéko..

Kayelang réngam légangé

Daggéla gíné kínggíné miroko..

Kayelang!! ta:ng kané lambélo 

Réngam légangé iyyém bilanéko..

Ngolu misingé émna botta:suladopé

Se:kosin ngolum samtitla:madopé

Kayelang!! mimag lambédo gígéboné

A:ng pétané kínggíné miro migangko

Doksiri দকচিৰি, ডিচেম্বৰ, ২০২৩