MO:NU AMONG ARÍDO
Tuniram Médog
Tupunné arígém mé:pa:la
Gílad gídokudém nok kéra:lo:pé,
Méla:ma:nam mínggong kídí:dé
Lo:bagma:pé luposudagai
Turgodlok ma:nying rísondo.
Tangar okumlo durbutsula
Atí pésoma:né mí:bo míngkodo
Muksubém abo bola
Anupé parsa:pé madagai
Pí:sut sa:ludné ayangko.
Tupun namné dumsigdo
Nabyo géné ésardé
Písí pasapé luposudagai
A:ma:né longé Kídí:dok
Topí:ma:nam agomko.
Mí:tíd mí:nam ayirdo
Po:lo ladangko yumdé:do,
Mikkíkote toya:ma:pé
Turnam pa:língém madagai
Monu among arido.
Doksiri দকচিৰি, ডিচেম্বৰ, ২০২৩
No comments:
Post a Comment