BÍ DO:MÍRÉ
Dipkesh Kaman
Bí do:míré bírduglo mírnam kinmang
mírdo:doi mírdag lutadsuma:pé
Régamém lémgésumodag anga:rapé.
Bí gené do:míré
muksubé:sin pésola du:lamang
bík jérrídla alag sutkannamdé
Tukkém tuppum sunném imodag,
Mo:písé ku:kub ku:lab némpé igédag
Do:mír bí aíkisap mírsar sudo:do.
Pédongé oyémílo bí mimag molídag
yarimé pimíg pisígla
ajjouné ko:kangémpé lébí: tummodag.
Bí do:miré, tani:lok tadgénammé
Ki:rug rukkolok onam ommangé
Dumsung i:yém le:pé tí:né
Tani:lok bí do:miré! bí migomé!
Doksiri দকচিৰি, ডিচেম্বৰ, ২০২৩
No comments:
Post a Comment