A:NÉ RU:YI DOK JAUBON

 

A:NÉ RU:YI DOK JAUBON

Mg. Abal Pa:me

Lakhimpur

  

    A:né ru:yi dok jaubon dé

    Gu:mo:do: dunggel

    Mo:lum a:rra so:

    Ansin é:sarrém

    Sarjer bidung

   No kinsumang okkom iduji:

   Sullid dunam déi

   pí:da:ga:bo:

   Si:lo no

   Mítu:é

   

   Mo:pí sok kinjup né lusuné

   Turmi:é si:lo nom le:peé

   Tégyut bomdung

   Si:lo no le:neé

   Mítungé

   

   Kinsumang no okkom iduji:

   Go:ra ru:yid dunam déi

   Pí:da:ga:bo:ngo,

   Ngok tu:yi:dé

   Ré:milok

   Í:mmeé

  

  Té:rem po:lo dok anssi do:

  Ngog mé:gu dé régam

  Amír lol mí:rsubé

  Ngok mítungé

  Rokkom lok

  Miklubé.

   

Doksiri দকচিৰি, ডিচেম্বৰ, ২০২৩