GINMUR ÉSAR
Dipkesh Kaman
Ginmur ésar no sartíla saratoka
rib rib émpé adin amirém
Rémsa:do:pé sartei.....
Ginmur ésar sardíla kinladung
mépo:nam ligang aniném,
Sínggi appuné pun pémna koli do:rila
Lípé lípé gamig tínadém.
Asiném a:ngkénla simad sa:la
To:dír su:lama:pé idung birdugso
Silo Asinsém kinggisu:lamal yeddung
sé ginmur ésar araso muksub ígela.
Aríg tongi:do Ginmur ésarki
Sarpadla a:m arig yirdung,
Pé:dong do:píd arado jumodung
Édé je:getné amirdém.........
Bíré bírkula pundung ké:dang appuné
Ke:kon-ke:saglo bé:dung gumrag so:íré
Ager gerla mo:mang mimbir kídidé
Mibugaluk,érkog sumla….
Doksiri দকচিৰি, ফেব্ৰুৱাৰী, ২০২৪
No comments:
Post a Comment