RU:NÉ

 

RU:NÉ

             Mohesh Doley

                     Dhemaji

Kangkinmang ru:né nom okoloi du:doji

Ngolu ajji:n ko-kangé,

Jé:la jé:la gogyemílosin

Nouwé goktatsu:ma:né.

Kinmang ru:né nom kapei kumyeji

Ngolu ajji:n ko-kangé,

Du:ne ru:né no do:mír taléto

Do:nyi po:lo takarpé.

Méngkinmang nokké ayang agomdém

Ngolu ajji:n ko-kangé,

Ré:mi jé:mipé déngadak toríko

Okolokkéi déngada:ngé.

Émdaggom ru:né nom aipé mé:dagrung

Ngolu ajji:n ko-kangé,

Nokké ayangki ngoluk asinsé

Lo:díp mé:pola du:língé.

Kinnamang nokké asin agomém

Ngolu adji:n ko-kangé,

Orrang asinso ayang lolatko

Lo:díp mo:té mo:té lokké.

Doksiri দকচিৰি, ফেব্ৰুৱাৰী, ২০২৪