LÉYUG LÉTAKKÉ KABAN
Mg. Hitesor Kuli
Obonori Bogum
Léyug létaké ami samgé:nammé
Anin mo:té:pé gíyi-gísa:nanné
Buluk samgénamkokki
Angkéngé kongkab-ko:rab gé:du:bo
Aki:é butkid-butrid gé:du:bo
Angkir, miksé dítér kamabo.
Émdaggom-
Okolai du:téd du:réd:éké émna
Amme géboméké émna
Bulu méla:ru:mang
Émpigela kapiyen-
Édí:losinna ainé turying légangé
O:rí:pé méngka:binéko katomané
Buluk mélamanamkokki
Apíg pongkobé arung gé:du:bo
Léyug- létakké ríbí é:sin bíntung gé:du:bo
Émdaggom bulu méla:rumang
Léyug- létaké ami samgé:nammé.
Doksiri দকচিৰি, মাৰ্চ, ২০২৪
No comments:
Post a Comment