ALI A:YE GUMRAG SO:MAN

 

ALI A:YE GUMRAG SO:MAN

Prosanto Mo:rang

Dhemaji

Dunggu:ma: daggu:ma:

Lébínge' jindung

Lubi sugu:ma asinse' 

Kape'i kape'i  idung. 

      Keiyang keiyang

      Lu:piye' be:dung

      Kekone'le' gumrag

      Kekonse' gumrag

      Ali a:ye a:dung.

Dumdume' be':dung

Kekonolog gumrag

Kekonsog gumrag

Do:mírpe' mírdung. 

     Í:r pongkírpe'

    Ya:me' mímbíre'

Lo:le ni:tom modung

Gumrag so:mane' mandung. 

     E'rang e'ra:lo 

     Yari arpe' ardung

 Lotta  so:mane' mandung

      Ko:kang  Kinne'

  Mine' míjíng  e'mma:pe'

  Gumrag  lotta  so:man

     kangko:lo gídung. Gíkumsudung... 

Ki:pardo dagdung

Ukum tungge':do

Tedne' teddung. 

Takame' me':podung

Ali  a:ye  gumrag

Lotta so:man ka:dung.

      Ya:me mímbíre'

      Ye'gla me'nam

      Asin agome'm

     Oi  ni:tom, atí atí.. 

     Abe:pe'  be':dung... 

Ya:me.... 

Kensi:  borga riídno:tag

Ru:me'm ngaddop mono:tag

Nommíng la:ye  e'mna

Abí:n  ma:mom luno:tag.. 

Mímbír.... 

Po:ro apong ke':molang

Nogin apong momolang

Ka:kí  na:nyim  me'lígla

Angkun po:lod komolang... 

Doksiri দকচিৰি, মাৰ্চ, ২০২৪