LÍGA:SO GÍLANG AJONA

 

LÍGA:SO GÍLANG AJONA

                                                       Bipin Taye

Ajon...

Élé singgi gipunélém kangkítoka

Lí:jíg lí:jígla

Ka:po kanganpé pun ge:la

Bíggíng silo,  lígangké

Lutadém bidung.

Ginmur ésaré silo 

Ansíng ansí:pé asin ara:so sara:dung.

Líga:do no gíma:pé du:yoka ajona

Murong lottado lékopé gumragém 

So:lapé mé:po ménganpé..

Oi ni:tomko mola:pé tatpo tadanpé

Ka:pa:yépé no kangkan kangkanné

Lígang mímbírém

Gumarakké gombe:yém tatpa:la

No so:mapé du:langéi ma:yépé

Lígang longédém.

Ajona....gídanlangka lígang longédo

Lékopé tetge:la purang apiném do:lapé

Ma:moké katla lé:nam 

Po:ro apo:démsin tí:lapé

Mé:po ménganpé so:man yírmanla:pé

Líga:so gímapé du:yoka ajona….

Doksiri দকচিৰি, ফেব্ৰুৱাৰী, ২০২৪