ALI A:YÉ LÍGANG

 

ALI A:YÉ  LÍGANG

                                     Hitesor Kuli

                               Obonori Bogum

Noí:ma:lang ludagan

Ginmur po:lolok

A:pongarné lígang longédo

Gíyé émna. 

Émpigela kapikan

Tagad  singgi appunéi punkabo

Í:r pongkírpé péttangé

Gipun alang mala déngkabo. 

Gíyémílo no gígorlangka

Ngok mo:nu arkíg sungkendo

Asin arabok poyinbo

Mibu galuk, gonro ugoném gédanna

Po:ro- nogyin, purang apiném

Annin monin sudanna

Toya:la dung. 

Gíyémílo no gígorlangka

Ribi- gaseng, yakan ege gédanna

Amli égíndém jo:bom:la

Ali-a:ye líggodém igela

Tatpon oi:ni:tomdém mo:írdanna

Tatpop dumdum, lu:pi mannígdanna

Ali-a:ye, ali-a:ye  émna

Gumrag maksongko so:lígdanna

Ali-a:ye lígasém

Í:r pongkír mola:jé.

Doksiri দকচিৰি, ফেব্ৰুৱাৰী, ২০২৪