মই কিয় জুই হওঁ
এই কথা নাজানা তুমি
নীলিম কুমাৰ
তুমি থাকা বৰফাঞ্চলত
তোমাৰ ঘৰৰ চোতাল থাকে বৰফেৰে ভৰি। তোমাৰ ঘৰৰ চাল বৰফেৰে বগা। তোমাৰ চহৰৰ গছগছনিৰ ডাল- পাত থাকে বৰফৰ ভৰত হাউলি।
আৰু তুমি থাকা ঠেৰেঙা লাগি ইমান ঠাণ্ডাত ....
তোমাৰ উলৰ হাতমোজাজোৰে
তোমাৰ আঙুলিৰ ঠেৰেঙা আতৰাব নোৱাৰে দেখোন….
সেয়ে তোমাক তাপ দিবলৈ
মই একুৰা নুনুমোৱা জুই হওঁ
যাতে তুমি খুলি থ’ব পাৰা
তোমাৰ হাতমোজাজোৰ !
কাৰণ হাতমোজা পিন্ধি
কবিতা লিখা নোৱাৰি ....
আহা চৌকাৰ কাষলৈ আহা
হাতমোজা খুলি…
Doksiri দকচিৰি, এপ্ৰিল, ২০২৪
No comments:
Post a Comment