TATÍGBÍ: LA: ME:RA:BÍ

 

TATÍGBÍ: LA: ME:RA:BÍ

                           Konok Sondoro Dole:

Tatígbí:la Me:ra:bí 

Longék lumínsukang, 

Aglíng sa:badmínsula 

Tukun somínsukang.

Do:lung tani: gíkum- gípa:l 

Sopan soransuto, 

Aima:n ager gerdung émna 

Lupan luransuto.

Rokom ta:sup Me:ra:bí 

Doga: makol gíkang, 

Édém an-ge:l 

Tatígbí Lambé:d torí:l dungkang.

Ka:pa:sula Me:rangké

Asin pésok angkang, 

Kapé gíbadla:péíké 

Odok légang méngkang.

Anín pínggé:l Mé:ra:bí 

Péso-péso:l luto, 

Né:ng ommang doma:p dungkang Lamtédokké gé:rto.

Édém tadgé:l Tatígbí 

Luso lumol luto, 

Ngok aki kéígbok 

Durko:l gíkang émto.

Agom tadla Mé:ra:bí 

Durkol gípé mé:to, 

Lamku kérang mé:ma:pé 

Kéíkpé dura:l gíto.

Péso kono mé:ma:pé 

Aso:p dura:l gíkang, 

Pongkog pí:dod Tatígbí 

Akí: sagborlíkkang.

Ngala:ma:la Me:ra:bí 

Jéng-gong Kugo:suto, 

Tatíkké pítan akí:dok 

Sijémdanna rékto.

Kínamdokkí Tatígbí 

Mo:té:p sumpaggékang, 

Lamtédé mo:rongga:lok 

Mé:ra:b dugla gíkang.

Lusíng: Taniyém adji:dop ka:la mé:títpé lagímang. Ékíma:mílo bi Tatígí: démpé ba:lagém pa:do.

Doksiri দকচিৰি, এপ্ৰিল, ২০২৪