ASO ASO:PÉ
(Anu ni:tom)
Joya Medak Doley
Aso aso:pé
Aipé mé:rob dung
Kinsu kinsuma:péi
Nokké ma:nyingém ma:dung
Kéra: lamkul gígo mínní:dung
Nokké yalop lo:dém du:lí:dung
Nommé mé:pa:yémíl kapil
Kidang asinsé
Luposuma:yémíl
Du:dag sagí gíl
Asina:sém okolo
Ríntumsuyéné
Bérgo:mínné amiksém
Kétitsuiya:né
Ngo kapiyén
Asinsé odag
Asinsém okol
méyén
Amig pirnyisé
Nom ka:lí:dag
Amiksém okol
Lé:yén
Aso aso:pé
Arop ménga:dung
Yumdí rodíp nommong
Mé:dubong
Ajon arum kindu:bo
Aipé mé:namsém
Érkog galug gasorém
Mé:la sumnamsém
Édíl méngkin biyén no
Kabla du:namsém
Yummi do:mi a:ma:pé
Ginga: bomnamsém
Ngo du:lí:dag
Nok kéra:do
Du:lí:sém kapé
iyén
Kétid kékodla
Ayangko madag
Manamsém sé:ko
Biyén
Aso aso:pé
Ngo:sin mé:du:bong
Turjon supé nommíng mé:dubong
Ribi ribipé ésar saryémílo
Nokké ma:nyingém ma:dubong
Asin ara:dobo
Nommíng mé:la dung
Lusar sulamal yegla métu:bong
Ngo nokké
No ngokké
Doksiri দকচিৰি, মে, ২০২৪
No comments:
Post a Comment