BÉRYUGO:LA KA:DAGAI

 BÉRYUGO:LA KA:DAGAI

                     Mg. Bharat Chintey

                                             Jonai

Obonori do:lu:do

Po:rag kangko:l gítungai

Kangkin ma:nam ko:néngko 

Ngommé bérra ka:dagai

Ngo:sin bérra ka:toném

Amik migyab lígdagai

Do:nyibí kama:mílo 

Po:lo bí ruwad biyelang

Sakoriye kama:mílo

Noué aipé mé:yelang

Take-talab líkma:mílo

Ké:nam oyi:dé nampomang

Ajon arum ara:do 

Noué bérra ka:ma:mílo

Asin sidé mé:pomang

Punna du:né appundém 

Punpagoi molíma:

Mé:namoi ko:né:mé

Ammem luman molíma:

Té:rém po:lo a:mílo

Nommé langko:l gípébo:

Ato-ayo kumna:pé 

Ege: gasor sumtobo:

Doksiri দকচিৰি, মে, ২০২৪