ÉDÉMPÉ IPA:MANG
Digen Taid
Majuli
Nolu édémarpé ipa:mang
Lunamdémsin lupa:mang
Amme tadgu:ma:pé ipéké.
Nok anédé:gom ngoggíng-ké
Ngokké dé:gom noggíng-ké
A:ngém édémpé gépa:mang.
Nokké ngokké na:nbím
Agom ako tatsuma:mílo
Ngolu atí agerko gerra:yelang?
Gasumko na:nbí aimanggom
Bím aima:néko lula:ma:yé
Aiman amikkisin ka:la:ma:yé.
Bí ngolum appíngém onné
Botté ajjin na:n bulum
Kapésin mé:mur mé:la:ma:ye.
Nok édé pinyo:dokkilang
A:yo:dok agomé lenmílo
Tadgabla yirné yirkangéké.
Kébang mibang bang-kolo
Nowíng lé:tom tíksarné
Do:pín do:ying kisarné.
No migoma, aro taniya
Mé:bo: mé:sagla mé:po:yo
No gíbo:la:sin gípakpo:yo.
Nolukké pu:lém pu:sémdé
Pía: lolad ladné amo:sém
Aso: aso:pé aíém kémoboyéku.
Doksiri দকচিৰি, মে, ২০২৪
No comments:
Post a Comment