KAI AJONA MÉ:POLA:I

 KAI AJONA MÉ:POLA:I

                                Mg. Rupam Pe:gu

           

Kai ajona mé:pola:i

Turnamsém mé:pomola:i

Annyé lékop turjongél 

Mo:píso ayyo:pé du:pola:i

Émpéi léko appíngé

Among ara:bo:pé gípayé

Silok longésém yampo 

Lékoda pa:tenkumayé

Kai Ajona mé:pola:i

Turnamsém mé:pomola:i

Appíng mé:pa:la dudopé 

Ainé agérko gérpola:i

Turdakso léko

Mé:dírkosin kadag

Mé:díro:la du:mílo

Ainé agomé yogdag 

Uyu: amo:bop gíma:dapé 

Mé:po ukumko mopola:i 

Appíng gía:la ka:la:dopé

Mé:po lamtéko ségpola:i

Kai ajona mé:pola:i

Turnamsém mé:pomola:i

Doksiri দকচিৰি, জুন, ২০২৪