NGOM MÉ:YINSULANGKA

 

NGOM MÉ:YINSULANGKA

Digen Taid 

Adi: bargong-kolo

        Lo:si lo:bagnémpé 

Lamté ría:dokké 

        Gílattokumílo kapiyén. 

Télé adi: di:té:télém 

        Lékko: daggomsin 

Kanggo:bopé mé:la

        Do:jíkko adlíktagai. 

Ngo méng-kítagai 

        Mukkang yi:tidnam 

Karsango:né po:loké

        Do:lu:tém kanggo:pé.

Ngokké méng-kampé 

        Gípí:bola: manggom 

No, nolusim appíngé 

        Ngom mé:yinsulang-ka.

Ngokké lékor kornamé 

        Arí tasu kama:mílosin

Supakké atéré édém 

        Mé:nampé mé:pakpé.

Édémbulum appí:dém

        Aima:nékoda émnangar 

Ménggoko mé:du:mílo

        Dé:gom silokolokké yogyébo. 

Sa: édémpé idagmílo 

        Silog longé long-kí:sokké

Tanggo longé lo:pé

        Nomsin ngo ka:ríksuge:ma.

Ayir gíngab lédupé 

        Toríksukupé lennang-ku 

Go:yong ma:ri ring-kampé

        Ngouwé ri:rik sukupé.

Doksiri দকচিৰি, জুন, ২০২৪