OBONORI RU:YI:DO NGOLU:K DO:LUNGÉ
Kolpona Pangging Doley
Dolga:té kekondo
Obonori rui:yi:do
Ngolukké do:lungé.
Gené bírdug a:yemíl
Pi:muk appuné
Kampo kampopé birkub birlabla
Géryi:gérsala so:duné.
Pi:muk appunké
Songko songkolo
Tani asinkídíngésin so:míndu:né.
Anu ma:yingko mangge:la
Anu tarungko ru:pé méropdu:né.
Dísong bírdug a:yemíl
Obonori na:néké
Kekon kesakpé pétu appuné
Tupun gasorko punam kisapé
Ka:la kangab la:ma:pé pundu:né.
Ginmur po:lo:dok a:pon
Lígang longédo
Ali a:yé lígangé
Do:nyi po:lo Karsing-kartang
Amo:nanémé
Kumpa:su:ge:la
Dumdum mannígla lu:pi kublígla
Gumrag paksong so:lígla
Amli: pidgod moge:la
Ngosan ongo lédílo po:ro
apong tíngge:la
Ginmur ésar kisapé
Mé:po ménganla paksong so:man mandu:né.
Lígang lí:len-ge:kula
Guni: aríg molígdung.
Aso: aso:pé lígong bírdug a:du:bong.
Néiiyé néngan ngandu:bong.
Asinangé odopé so:yo: pakkom kapdu:bong.
Kombong po:lodo
Mising mipag kinma:pé
Biu usoriém modu:bong.
Kombong po:lo lédudo
E:jar appun pundu:bong
Aso aso:pé obonori ru:yi:do
Mé:dír ayir a:du:bong.
Gadla ménam guni a:mém
Pu:mi asié téyuddung.
Bau a:mém pologé géyuddung.
Anupé amdangko lepésin
Ayiré gíbíddung.
Pédong bírdug a:dolo
Obonori ru:yi:do
Ngarob sula:ma:pé ngasodé anga:dung.
Ngolugké do:lu:dog donyingko kípé idolo
Amig pirnyiso mé:dír miksiko
Kinsuru:ma:pé díleddung.
Mé:dír miksiko díleddung.
Doksiri দকচিৰি, জুন, ২০২৪
No comments:
Post a Comment