যুগে যুগে তুমি বিষ্ণুৰাভা…
ইনু দত্ত
বিষ্ণুৰাভা
জগত জিনিলা তুমি
গীতেৰে-মাতেৰ
পাহাৰ ভৈয়াম এক কৰি।
একতাৰ দোলেৰে জনতাক বান্ধিলা
ব্ৰজ-নিনাদেৰে শতৰুৰ বুকু শালিলা।
শিৰ ওখ কৰি শোষকৰ বিৰুদ্ধে তেজেধোৱা শ্লোগান লিখিলা…
তাণ্ডৱ নৃত্যৰে মেদিনী কঁপাই
ন-ন সৃষ্টিৰে জনগণক
প্ৰতিবাদৰ ভাষা শিকালা।
দেশৰ হকে জাতিৰ হকে
যুঁজি নাভাগৰিলা
স্বদেশ প্ৰেমৰ মন্ত্ৰৰে জনগণক দীক্ষিত কৰিলা৷
বিষ্ণুৰাভা, তোমাৰ আদেৰ্শৰে বাট বুলিছো আজি
অসমীয়াৰ চিন্তন-মননত
তুমি বিয়পি আছা সদায়
Doksiri দকচিৰি, জুলাই, ২০২৪
No comments:
Post a Comment