যুদ্ধ মোৰ নিজৰ
অবিনাশ কিশোৰ শইকীয়া
গোলাঘাট
নহয় মই অভিমন্যু
তথাপিও জীৱন নামৰ চক্রবেহুত সোমাই
সময়ে আজি মোক সপ্তৰথীৰ দৰে খুজি-হানি মাৰিছে।
কুৰুক্ষেত্ৰ মহাসমৰ মোৰ জীৱনত প্ৰত্যেক দিনাই হৈছে সংঘটিত।
কিন্তু নহয় এয়া আজি কৌৰৱৰ সমে যুদ্ধ
কৰিছো আজি মই নিজৰ হকে।।
চাৰিওফালে কেৱল কুৰুক্ষেত্ৰ মহাৰণ।
সকলোতে চোন কেৱল যুদ্ধ আৰু যুদ্ধই।
তীব্র হুংকাৰ আজি চৌদিশে।
কিন্তু আজি গাণ্ডীৱও মামৰে ধৰা
পিতামহ ভীষ্মও শকতিহীন।
আৰু কি ?
আজি চোৱাচোন
কৰ্ণৰ ধনুৰ তংকাৰ আজি যে দুৰ্বল।
মাথো সকলোৰে হাতত এপাটতেই অস্ত্র
“বিশ্বাসঘাটকঘতা”
Doksiri দকচিৰি, জুলাই, ২০২৪
No comments:
Post a Comment