Tadlémla Tadyoka

 

TADLÉMLA TADYOKA

                         Tuniram Médok

Élé mo:téngké yumrangé:lé 

Néngan galugém gela, 

Ogyabla gogdung nom 

Tadlémla tadyoka no. 

Méidírém asinbo ukka:sula 

Segri:pé bídmainé a:nélé 

Migyabla gogdung nom 

Mé:pég-mé:regyoka no. 

Ésíngé ayang manamém

Topaksukolo gíla 

Írísima:pé ipé mé:yoka, 

Bí:gom ampa:sula ayangko 

Anin asakpé gínínla- 

Pumsu turnamko matadung

Boríksuko ayirné lambédo.

Si:lo gí:téng ye:té:lo

Among asi dungké:lo

Uga:dung ngatur ésaré. 

Ogéléksuné do:po:dé dité:to

Gínínsupé madu:gom 

Dégyed bomdung tolo bolo:pé

Pédong boríksuma:né ésaré.

Doksiri দকচিৰি, জুলাই, ২০২৪