AGOM MIGANG TABURAM TAID

 

AGOM MIGANG TABURAM TAID

(Sar-ké onam longédém mé:pa:la)

Anuj Yein

Disangmukh, Sibsagor 

Gomlab-potinnok

Appíngémyam 

mirémdéi no,

No agomlok opan mangai,

No Gomlablok

Opan mangai,

No dírbí bélamlok

Opan mangai.

Abíg gompirrok 

Mirémai no

Ané agomlok 

Ru:tum abudéi no.

Mising opín léngangé

Mising réngam léngangé

Do:nyi po:lo losupo:né

Migomdéi no,

Abíg, agom amlidém

Bidgod boné:déi no

Gomlab írga:bola lamté pétkaila gígéboné:déi no,

Potin tamsarra 

Kébang ru:bo né:déi no

Pobug pogolo yabgo sígge:la

Luyirné abudéi no.

Lérékpé dakor korrena

Mising réngam agomsém

Írroi émna jébonédéi no,

Mising abíg-agom sém

Migomlok mimag mogénédéi no,

 

No silo kamanggom

Nok legabnam agom amídéi

Ngolum apí-a:yém bití:l du:yepé,

Nok ainé ageré

Nok ainé agomé

Nok ainé gerrodé

Nok ainé séu:dé 

Nok ainé lamté:dé

Nok ainé bélamdé 

Nok ainé moima:dé

Sidé dong amo:so

Do:pínpé du:yaryé.

Do:píndok írga:né

Lukéngdéi agampé 

kappon alaglok

Tatpon gomukki 

Nom nolum taka:mém

Gogtíl du:ye:pé

ogyabtí:l du:yepé.

Doksiri দকচিৰি, আগষ্ট, ২০২৪