AGOM MIGANGA NO OKOLO DUNGKANGKUN
Ma:nying Panggíng
Agom miganga no okolo dungkangkun
Nom mala gípésin gípí:lama:pé idung
Nom jé:la gokpésin gokpílama:pé idung
No oko mo:légloi tarungém ru:du:song, bélamém lamdu:song
Ngolu kinla:ma:pé idung nok du:téngém.
Agom miganga no okolo dungkangkun
Nok ru:yido tedge:la tomi: tomi:la tadlí:dung
Nok luyum toyumla luyir lunam agomko
Nok mullangémpin agom gomuglok tori:ko.
Agom miganga no okolo dungkangkun
Silo nok luyirnam agomé do:nyi po:popé oksansudung
Silo nok sigbonam bélamé kémolo késiksudung
Silo longélok do:réngém mukkangé meddung
Yumélok po:lo loladém kémmo meddung
Agom miganga Silok longésé nommíng toya:la dung
Silok adísé nommíng kangkí kangkíla dung.
Doksiri দকচিৰি, আগষ্ট, ২০২৪
No comments:
Post a Comment