কিছুমান কবিয়ে অহৰ্নিশে লৈ ফুৰে
যতীন মিলি
কিছুমান কবিয়ে অহৰ্নিশে লৈ ফুৰে
এবুকু বিষাদৰ ঘা
কাৰ বুকুত কিমান গভীৰ ঘা
কবিৰ কবিতা পঢ়ি অনুভৱ কৰিব নোৱাৰি
আঘাতৰ তীব্ৰতা ভেদে ভিন্ন হয়
কবিতাৰ অৰ্থ-তাৎপৰ্য- বিশ্লেষণ
আচম্বিত
দুখে কুলাই পাচিয়ে নধৰাৰ পিছতো
ডিঙিৰ বাহিৰলৈ ওলাই নাহে
কবিৰ ক্ষত বুকুৰ গোপন কথাবোৰ ...
মৌখিক মত বিনিময়েৰে ধৰিব নোৱাৰি
নিশ্বাসৰ বতাহত এৰি দিয়া
হা-হুতাহ হুমুনিয়াহৰ পৰিধিৰ সীমনা
একাকীত্বৰ নৈৰাশ্যতাৰ বাবেই হওঁক
কিম্বা বিমোহিত পৃথিৱীৰ ৰূপ লাৱণ্যৰ বাবেই হওঁক
হৃদয়ৱান কবিয়ে লিখি যায় নিঃস্বাৰ্থ
লিখি যায় প্ৰেম শইচ পৃথিৱীৰ কবিতা…
Doksiri দকচিৰি, আগষ্ট, ২০২৪
No comments:
Post a Comment