DAKTOG ÉSARKO

 DAKTOG ÉSARKO

Mg. Ajit Basin

ObonoriBogum

-Abua ai kapikan mé:dirnémpé 

du:né ; aipé gi:la 

gídungku porog jalko tí:poyekupé .

-Poisaréi kamang!

-Kamangé: ekuri dérkuri kosinéi kaman.

-Taniséi kapé gípí dungkuji !

-Odokíddíkoi ramkan ?

-É: Du:téngbé anupé ramnamko lenna tanié 

an-nyi aumko sika:bo; Ngosin ramna pésokang.

Kanam kamang murkongé Adai ge:lasin ajonnok 

Narsed pa:to.Gíkunané kakuma:la mobaildém  

Kopakto !!

-Yowa oko agomén ngom lubisumangaye ?

-No mé:dírpéké émnana.

-Kapé ngolumong aiman ésar pa:ton.Su:pag no aiyop ésa: dakkubon .

-É:

-Abua: hut Poisang la:dan-ge:la gínamsém supag Kapiya:kun; Hut bidéka:bo amme asop méyelang.

Aoké ramdagdosin da:ré abakang ,mí:díré ngo.(Né:dé luto)

-Miksé pín-yebo:lang. Anna ménggoyok.

Sé du:né amongosém kogela dorpídsupolai.

runébí ru:mílo émpéi léko.... ..

-Ru:ném akang aka:lai turra duyenon.

(Né:dé miksidém noiyid suto)

Doksiri দকচিৰি, আগষ্ট, ২০২৪