Ménggablai Réngama

 

Ménggablai Réngama

                                      Aboni Mili

                                              Guati 

O’ ngokke'  Misinga !i

O’ ngokke'  Re'ngama !

Kaje' aí:k Agomse'm

lutíla:je' ,

Kaje' aí:k abígse'm

adtíla:je' .

Amik re'ngame'

Aí:k agom lugela:sin

Bottane' tanipe' idung ;

Buluk lunam adnam

Abíge' pu:man-jarmandung .

Amik agom lujo:daggom

Pebe pe'ttange'mpe' idag ;

Amik le'du:lo gígo:mínyem

Amme pagbompe' me'dag ,

E'de' Agomde'm kaje' lo:de'm

 me'nggablai re'ngama .

Do:nyi Po:lok dungkampe'

Tamoli-takar lenkampe' ,

Ne'iye'-ne'ngan  ne':kampe'

A:ne'-así  bitkampe'

Side' kangkanne' mo:diso

lupo:luwannam

ngoluk ané  Agomse'm

Kaje' re'ngama aginpe'

jarmo:laje' , turmo:laje' .

O’ ngoluk Misinga !

O’ ngoluk Re'ngoma !

kekon-kesak lumape'

Rígkong-rígdum

 e'mma:pe'

Kaje' me':lai appínge'

le'kope'

Mising re'ngam agom 

le'gape' 

Doksiri দকচিৰি, জুলাই, ২০২৪