SITA GORGORKÉ MIKSI
Mg. Anil Mili
Telam Rangoli
Ngo gídagkubong gíténg béda:ki
Du:yéku atéré ope: érangki
Abung assé pínkangku
Mongku arígpé ikangku
Sita gorgor ongobí
Mé:dír bírra gíkangkun.
Kapin ayir angka:son
Miksi dítér katomang sagí gítérsutomang.
Pí:ala du:né mo:rumsém
Kémon mutkang yi:lubto.
Mé:pol ursul dungkodé
Koiyang kotsumankodé
Do:nyi írgang ukbomna
Among sullipé ingabkang.
Rotke abung kama:bong
Sí:lung ísíng sa:ma:bong
Límara ki:ngonga pabura
Aya:sula du:la:bong
Nuluk ajon Sita gorgorbí
Nuluk kéralo kamabong
Abung asi pínkangku
Sita gorgor yokkangku.
Doksiri দকচিৰি, জুলাই, ২০২৪
No comments:
Post a Comment