SÍ:SANG

SÍ:SANG

             Ranuj Kumar Payeng

                             Ghunasuti

Sí:sa:no réngamsok jo:pongé

Sí:sa:no bélamlok ku:dum kungkongé

Sí:sa:no létor laktor kínggí:né

Sí:sa:no réngamsém turbopénné

Sí:sa:no kínggí tarí:pé mimag mobopénné...

Adié di:tumla:ma:yepé

Ké:réné ré:tumla:ma:yepé

Pédong ésaré sartumla:mayepé

Yumé kémmo rubtitla:ma:yepé

Ga:né néta bangko:l réngamsém unboyepé...

Sí:sangé bírdugé dí:tagdo lékko:ko angkampé

Sí:sangém sí:badnam lédupé

Sí:tenkupé kama:bo

Sí:sangé du:téng dakténg  dírbí opín réngamém

Ya:yud-gíyud molama:yepé lo:tu-lo:po:pé....

Sí:sa:no réngam kébang ba:bolang

Sí:sa:no ainé tarung ru:bolang

Sí:sa:no a:ng píta:né

Írroi émna jé:dagdo

Gomug bugyepé

Di:télokké adilo:pé

Amo:lokké do:mírto:pé....

Doksiri দকচিৰি, জুলাই, ২০২৪