Sabiman

 SABIMAN

Someswor Medog

Seujpur, Bisonat

“Tukku popeye, okko émna mé:sudu:son bí, dopa-yakpa:ma:né:lok agom lulod angudag émdung. “Tukku-innang kinsuma:pé kangkan Médogbí je:la je:la jírríng sa:la luto.

“Okko kapikan ataya: éddíko aglíng sa:dun, se:ok okko émtom?” Rangkob Pe:gubí tatto.

“Élé yakpa:ma:né Sonjoimé:na ludu:né.”

“kapikan Kangka:na, aso:pé du:to, okko émton Sonjoibí, ge:mínsu:yo. Kaidé gomtumla lutumto.

“Kapila aglíng sa:mayen, bí se:kon ngolum lupag-luyagpé:né:dé. Alékokki kangkanbí tupé mato. “Aiye, aiye ataya, kinma;la ludagnéna.” Ajondé:sin gomtumto.

“Okoa:rlo bulu kangkítang, ngoluk Mising tanié okolo, édílo kogo;la donam ka:bekkìtun. Domapéi gapkesulai siyepé émpidaggom amikélok kogola dopémang. É, aríg ira:sula, amdang lera:sula manggom a:m gadra:sula do:yepé, émpidaggom émmumpé kogola:domang. Ajirang gíla: ajji arrin ager gerrasula dodo. Bí se:kon ngom  dopa:-tí:pa:ma:né, kogola: doné  émkí:péné:dé.” Kangkanbí luto. 

“É:lo, édé arro, ngolu kogo:pé dok ami kéíglo, ammemyang ajjisu:la du:or anying kané migangé. Ammem urmankosu:la:, ami rumkí:lo du:lí:ma:né aí suakopé du:mané a:ng píta:né midumé. Alé-alag dung, gerra-mola dodo, turdo. Sekkélo:sin kéra:sula yenémang.”

“Édémíngyang, bìkké kiso:né, ngolum opan-ki:panné, kogoné  émkípénéné:dé. Okkom kokí:tang. Angkéng bedgé:dopé ila: mola:manggom aíké agerém gersudung dosudung, tursudung.”

Doksiri দকচিৰি, জুলাই, ২০২৪