মোক দিয়া
মূল বাংলাঃ আমাকে দাও
কবিঃ আহচান হাবিব
তৰ্জমাঃ ড° ইকবাল হোচেইন খান
দুখৰ কোনো দৃশ্যমান অবয়ৱ নাই
তুমি মোৰ দুচকুত যাক দেখিছা
তাৰ নাম দুখতত্ত্ব।
তোমাৰ কেমেৰাই যিজনৰ ছবি তুলিব
সেইজন নিশ্চয় মই নহওঁ।
মোৰ বুকুৰ অতল তলিত যিজনৰ বাসস্থান
সেইজনক তুমি ক’তো বিচাৰি নাপাবা ;
সেই শত্ৰু
যিয়ে মোৰ কোমল হৃদয় ৰাতি-দিন কুটি কুটি খায়।
মোৰ দুখৰ উৎস তুমি
অথচ লালন-পালনৰ দায়িত্ব ভাৰ মোকেই দিয়া।
মোকেই কেৱল
ক্ষুধা। এই ঘোৰ অন্ধকাৰৰ পৰা মোক মুক্ত কৰা
মোক জীয়াই থাকিবলৈ দিয়া
মই জীয়াই থাকিব বিচাৰোঁ।
Doksiri দকচিৰি, অক্টোবৰ, ২০২৪
No comments:
Post a Comment