শেৱালি
ৰিজু মণি বৰা
নগাঁও
ঢকঢকীয়া বগা সাজ পিন্ধি
শৰতৰ হাতত হাত ধৰি
কুঁৱলীৰ চেলেং গুচাই
বগোৱাবাই আহিছিল
কোনোবা এটা নিশা
অভিমানী শেৱালি,
প্ৰিতমৰ পৰশত উলাহত নাচে
প্ৰাণ খুলি হাঁহে
প্ৰেমৰ সুৱাস বিলাই
পোৱালমণি পিন্ধে
ওৰে নিশা মন ভৰি ফুলি
এবুকু বেদনা লৈ
পুৱাতে মৰহি সৰে!
শুভ্ৰতাৰ দলিচা পাৰি
পদূলি শুৱনি কৰি
কোনোদিনে ভাগৰি নপৰা
অভিমানী শেৱালিয়ে
জহি যোৱাৰ পৰতো
শৰতৰ বন্দনা কৰি
মনৰ জুপুৰিত জোনাক সিঁচে।
Doksiri দকচিৰি, অক্টোবৰ, ২০২৪
No comments:
Post a Comment