এটি অশান্ত ৰজনী
চিমি চিদ্দিকা
তামুলপুৰ
সংযম হৃদয়ৰ এটি কোঠালিত,
উমলি থকা বিমুগ্ধ ভাবনাবোৰে
নিটাল মাৰিবলৈ উদ্বিগ্ন হৈ পৰে।
ৰজনীৰ ৰঙীন এটি ক্ষণত
এজাক ভোকাতুৰৰ স্বপ্নৰ আৰ্তনাদ।
স্পষ্টভাৱে সেমেকি থাকে চকুলো
দূৰণিৰ এটি প্ৰতিধ্বনি শব্দত,
সন্তেক মূহূৰ্তৰ বাবে হলেও
দীপ্তিময় হৈ পৰে হৃদয়ৰ এচুক।
মনৰ হাবিয়াহবোৰ পূৰাৱলৈ
অস্থিৰ বুকুৱে হাহাকাৰ কৰে
অস্পৃশ্য সপোনৰ মোহত।
এটি নিৰ্বিকল্প অহোৰাত্ৰি
মৰহা সপোনবিভোৰ মনটিত
সাঁচ বহুৱাই মেলানি মাগে।
Doksiri দকচিৰি, ছেপ্টেম্বৰ, ২০২৪
No comments:
Post a Comment