Bu:dor
Debanondo Pe:gu
Lo:bo, ité po:lolo nesin kama:la amiké ba:riyém ígang íga:la kanggo:né go:rompé Bu:dorbí do:lu:do sékkaiké orai yage:lo gogmílo gípé émna létíg asongko kengonna du:dag.
Okolai so:man yírmankolo ni:tomko tompa:mílo akiyé aíwé bi:sudag.
Rí:síng koktokpé gípadmíloi o:ríngkoi tí:polai émné do:lu:do Bu:dorbí malai pa:taglok obutsuné tamudé.
Líkkebdo murkongé abakorkosin kamanggom, bí ajoném mé:pola du:monamdéi dérdag,
Bí aídé okkomsin répénammé kama.
Sé:kai okoloi gípé atér émna mé:supénam kama,
Bu:dorké létíg asongko lékí lékíla du:dag.
Okumdé ager-atung kamanggom mo:namé kama.
Ané abbo mé:dag ommang-kídí:sok ukum bomna donamko ka:bídmílo sidaggom sipodag
Bu:dorkésin édé longédé angkang
Ba:ba,kolomko,ba:ba galukko émnamdé pési níkpé nígdag
Méramdo ummé dorma:yémílo angké:dé kidag.
Okolok pa:la anyíngém takpodu:song né:dépakko kindag
Bírrang akké:dok igyumdé adin-amírém rémagmoto
Do:nyi gunamdém gérasula:ma.
Doksiri দকচিৰি, ছেপ্টেম্বৰ, ২০২৪
No comments:
Post a Comment