LÉKODA NOK LÉGANGÉ

 

LÉKODA NOK LÉGANGÉ

                                         Tuniram Médog

Línge:né yummayirdo 

Lolad angké:lo kéraspé 

Ayir épugé dé:míndung, 

Gammangémpé ngo 

Ka:míngéla du:daggom 

Nok lékor lépodém- 

Asinso mí:píng kuma:dung. 

Nok gírongkunamdé anuéila:song 

Mí:dír mí:nam kídí:dém 

Kínggí:pé anpa:sugémangai, 

Anuéila:song mí:dír rísondé

Mí:tér mí:namdé lékoném 

Kinsuma:péi yokpagyenémpé mí:tungai. 

Nok asin kérang ara:do 

Kabla dungai kémoné po:loko, 

Nok kamangém mí:pa:langkula 

Lékoda nok légangé 

Ítom bangkíla je:dung ngo. 

Nok gírongkunamdé akulangéikusong 

Pétsin pétsinpé asin onamsé 

Ansi: réyingé dígin muksubémpé.

Mí:dírém ajon jonla 

Asiném adí gasoré sortídbomdung,

Nok légangé lékoda 

Yummi Pédong okodo 

Midma:né mí:pang kídí:dé 

Mí:dír mégu gumodung.

Doksiri দকচিৰি, ছেপ্টেম্বৰ, ২০২৪