AÍN APPUN

 

AÍN APPUN

                     Mg. Jawaharlal Mili

                                           Gohpur

Aín appun punnadung

Asin ara:bo bosum boksumpé. 

Bo:bi lo:lin ésardo biré birkurra,

Ngo dénggon po:pírpé

Appun appunno ala: tínggoyé.

Kombong po:lo a:dubo: 

So:yong péttang kabdu:bo, 

Sí:dug sí:san asiném rongkiola: ro:madla

Néyi néngan nganyémílo mo:písésin géyomdag, 

Ísíng anné nésuré nébir ba:birra

Ngolum ogyab ga:yabdag. 

Sí:dug sí:san asiném

Méngki méngad modagné.

Appun punna du:dodo: singgi appun kangkané, 

Sí:ta sí:ma:l sí:sa:do aín appunpé

Punsa:dag mé:bomsunam ko:né:no.

Doksiri দকচিৰি, অক্টোবৰ, ২০২৪