Toya:la Du:yé Nok Gítíng Lamtédo
Rupam Pegu
Silo ngo atéré
Rongngam pésamé
Rongki rongkipé
Asinang onamé
Yumdang ayir ayémilo mépa:dakku
Nok po:péké
Lunam agomdém
Amik mo:té:pé du:daggom
Asin mo:tépé du:yoka
Mé:pa:dakku
Kombong Po:lodok
Po:lo loladdo
Nok tatponé gomugdok
Momanna du:nam
Oi ni:tom kabandém
Okoloi dudaggom no
Ngok asin ba:riso
Jarmanna du:bilang
Gejik-gero:pé
Punmanna du:bilang
Lí:do-gedopé
Toya:la du:yé ngo
Nok gítíng lamtédo
Kombong Po:lodo
Annyé tedjonna do:ying kíkodo
Lo:dí-yumdí:pé turulu mudbiyé
Tadmanna du:bilang
Ngok amír kéraso
Doksiri দকচিৰি, অক্টোবৰ, ২০২৪
No comments:
Post a Comment