Laksin Kanéd Indaggom Kama:nédé Pennyépé

 

Laksin Kanéd Indaggom Kama:nédé Pennyépé

Debanondo Pe:gu

Alab kanédokké do:mírté

Kama:nédé amo:sém kargapsupa:yé

Amiké alabém íglíg-sugel dé:pé mé:namdé

Do:soglo yaru:monamé.

Murkong kanédokké ga:ri,motoré,

Rélí:mílo réla:dag re:l gariyém

Kama:néképé ru:lígnam létígé méngkolopéi gínané.

Kartikké to:dé:dé mo:písém dénggo:l kana:né

Goneshké kébu:dé ané kéra:do du:nané

Tayéng amo:dé ma:nyíng ma:namé

Do:ng amo:sé ngoluk du:téngé

Pirtan ongoké a:né abungé

Prime:néképé pa:tangé

Asin kanéké po:lo loladé

Kama:néképé kémmo ru:rubé.

Aín palé:lo yubdaggom 

Piso asublo yubdaggom 

Ma:nyídé aíké

Amso:pi:mug-kémpé dugdaggom

Késungkémpé ngé:daggom 

Duktérsukodé ago golu:dé

Do:mírtok tamuli:dém doksiri:pé ri:pé émna 

Méngkolo angké:sém kimoge:ma

Laksin kanédé innyépé,kama:nédé pennyépé.

Doksiri দকচিৰি, অক্টোবৰ, ২০২৪