LUTÉR

 

LUTÉR

                Digen Taid 

Oko agerdém géryoka

         Émna mé:dagbo:ji ngo

Édémarmín gerka:danna

        No:sinda kang-kínékon.

Okolopé nom gígo:yog

        Émka:bo:ji odogarpé no

Tadbegar ma:nédépé

        Ke:badlígdanna gínéko.

Se:kobí ngo ajonpé

        Jonmanbosuyo émdoji

Bímmar no ajonpé

        Jonyutsula silí:néko no.

Kapiné apí a:yedém

        Dolígmílo aima:dojika

Édémíng dolígge:la no

        Doníksula aima:pé ili:néko.

Sidokkíddíko ludaggom

        Yerung kama:némpé no

Oko a:ngém génékon

        Élo: éka émna mé:nékon.

Luge:mang luge:mang

        Ngokké nappang kipéké

Méngge:ma:bong ngo

        Sí:sang asinang kipéké.

Nokké gíko angudung

        Ngokké gíko angudung

Nokké sipang sipangé

        Ngokké sipang sipangé.

Élé adi: kekonélébong

        Mo:pí among du:térébong

Sagí gíla du:ma:bong

        Sé ngokké lutérébong.

Doksiri দকচিৰি, অক্টোবৰ, ২০২৪