MÉ:PIN

 MÉ:PIN

                  Madan Pegu

Lo:tu lo:pon ma:nyingé

 Bakíd kídla

  Angkéng ní:pin monné,

   Mé:dír mé:po boggodo

    Pira ga:ra sudolo

     Ri:pe:sunam tadordé

      Asin mégu sí:turé.

Mé:lod gílod lamtédo

 Mé:po lupo lujaré

  Turnam tarung ru:tédo

    Mé:yar mé:po ma:nyingé.

     Mé:po a:né pígodo 

       Írgang írga:n tarungé

        Mé:pin méngoksukolo

          Loladma:né píangé.

Luténg luyad moyadém

 Do:lu:l sí:san makkoré

  Mé:jub méng-gab asiné

   Gerbad gíbad sukolo

     Mongo:motung okumé.

So:bo soben mosí:do

 Porg siyab siyabé,

  Tísí: mosí:dokudo

    Kémojíjí:n méramé.

   Mé:ya mé:san méngkídé

    Yumé méru manamé,

      Kíjub kínam agomdém

       Méngkin tatkin ma:nédé

        Mé:tu: méngoksupéné

         Okum érang yokpéné.

Doksiri দকচিৰি, অক্টোবৰ, ২০২৪