ASO ASO:PÉ

 

ASO ASO:PÉ

                      Tuniram Médok

Gené bírdug a:yemil 

Takar do:lung lungkoto, 

Kartong Po:lo songkidém 

Kiddopé lomla madogom 

Édé aso aso:pé a:dag.

Dígín ro: ayirdo 

Naré:pé dité:tém ka:la 

Asin mé:namdé lomdag, 

Gínínpékodé mo:té:dag 

Lomdanla gínínpé mé:daggom 

Aso as:slé gínínla:dag. 

Taléng de:mírto 

Mukkang So:maném ka:la, 

Do:nyi írsuné amo:sé 

Pédong asengko madogom 

Ayirdo aso aso:pé odag. 

Néngan galugém géla 

Namponé appundém, 

Pun-gordopé madaggom 

Bírdug ésar ri:yiddo:pag 

Aso aso:pé pundag. 

Ngasoddok yumédo 

Kémo ayirém todírdag, 

Píang Pígordém madaggom 

Ayirpé aso aso:pé pía:dag.

Doksiri দকচিৰি, নৱেম্বৰ, ২০২৪