GÍBADLA GÍLAI MISING RÉNGAMA
Abani Mili
Guwahati-36
Mising Réngama
Míjíng Asindém
okum yapkurro
Raksa:l mésí:potei,
Míjíng asiné adí ménpíla
dugla:toku-ma:bong.
Nolu lentoka
Roked berkampé
Lékopé ngolu
Do:mír kekonto
Bergo:po:lai.
Mising Réngama
Mensarung asin géla
Poso-soyad yadma:pé
Poso-mírdínam mépagge:la
Gígé-daggébola gíbattéi.
Nolu mo:ru ga:né
Sumyompé badla
Ngírríg dagríksula
Ngolum turbotéi.
Ngoluk Réngamésin
Turgo bélam sígla
Sidé mopíso:pé gínamé
Bojerungkopé ika:bong.
Silosin kama:da
Yalo írma:né Misingké
Amin gímoné
Migang ga:roné taniyé,
Sidé mo:píso tolo-bolopé
Bérgodaggom bérbegmang
Miro migang Misingém.
Kajé pu:mu: asi tékampé
Tésa:po:lai
Ma:la:sin ma:pí- la:ma:nam
Télé géné Do:mírtémpé
Kajé ngolu
Oudpo:lai.
Ngolu su:pak ammem
Posopénam adíé kamang.
Kajé gíbaddanna gílai
Ngoluk Misinga !
Dagroptei ngoluk
Mising Réngama !
Ainé dakor lékor korra
Ainé tani:pé ipolai,
Turné tani: turkampé
Turgopé turra
Amme turko mo:píso
Ngolusin aro tani:lusula
Kajé turdíko turpo:lai.
Doksiri দকচিৰি, নৱেম্বৰ, ২০২৪
No comments:
Post a Comment