DO:NYI LÍNGA:DOK NOK DO:LUNG

 

DO:NYI LÍNGA:DOK NOK DO:LUNG

Anil Mili 

Telam Rangoli

Do:nyi:bí línga:la gídakku

Bérkut bérkutsula

Kémo:bí a:la: gídung

Bérmín bérmína.

Uksing-gonyingbí unna gídag

Kajé-kajé goksula

Yumdéngé angka:bong

Lígang dumdum manna.

Ké:né ísí:bí toya:la dung

Épom épom émna

Lígangé mana:do

No okola:n ?

Aríg gíné gídakku

Mé:po ménganna

Ni:tom momanna

Do:lung mímbíré í:r-pongkíré

Ki:parlo donam ínné ídung

Tirbelo asi toné todung

Rotkamínsula:  ursudung

Do:nyi línga:dok nok do:lung.

Mo:písok moyo:né migbírém

Nesin-néyíné partiddung

Ajoné ajoném kangkinmang

Mé:po alam sikkinmang

Do:nyi línga:dok nok do:lung.

Doksiri দকচিৰি, ডিচেম্বৰ, ২০২৪