KA:KÍ SA:NANG
Joya Medak Doley
Ka:kí Sa:na:bí
Anu yaméng kangkapé
Lo:níddo lénnyi léumko gídag
Ka:kí Sa:nangké ukumdé
Anu yaméng langkodok
Do:nyi sanggapé dung
Yamé:dé oko oying ké:dang
Édém aipé tadgabdag
Oko oyingém ké:du:n
Anu yamé:bí émna
Gídodoi taudag
Anu yamé:dé anyíng annyi:la
Amín oyingé ka:ka émdag
Tadge:la lékoda gípag dakku
Ka:kí Sana:bí
Aipé asindé aidagai
Bím ma:né tarugé
Adin amírdém ma:lub tagaboi
Oksu oksula agomém ludagai
Génam bomnamdé
Éddíko naré: napé mangai
Anu yamé:dém angupé
Ayangko kadagai
Léko lénnyiko
Amín oying ké:namdém
Ka:pa:sula
Ka:kí Sa:na:bí
Aipé asindé mé:dírko angkang
Ayangé yamé:sém
Mité mirém éra:lok langge:la
Su:pag dopo donganpé
Dobo tí:bo la:ma:pé
Dore: monamsém ka:rasula:mang
Longékoném
Ka:kí Sa:na:bí
Lékoda
Anu yaméng kangkolo
Odokké anu yamé:dém
Migom tapa apíko
Bombila gíkang
Yaménga
Sém siyum ké:lang
Nok lo:dém amín oying ké:namdém
Ngo ka:rasula:mang
Yaménga ngo nok
Ba:buké ajonai
Émge:l miksi bitkang
Ka:kí Sa:na:bí
Odo
Ngo miksango:l ka:to......
Doksiri দকচিৰি, জানুৱাৰী, ২০২৫
No comments:
Post a Comment