OPANNÉKÉ MIMAG

 

OPANNÉKÉ MIMAG

                                   Jahan Doley

Mé:tiddag, samtiddag, lutiddag

Mirém-rémbudsunébí moríddag.

Mimag jé:namko asinbo

Sigírpé gírsa:dag...

Opannéké mimag dé:pag

turgotko, samtidnam opé:ké léngangé

kínggí:pé dingabdag.

Réngam ngasodém pa:jerla léngkanpé

Mirémé rémnébí mé:yoka daggurpé,

Mé:tidnam opeyé kinsu du:bong

Lutidnam opeyé dagrob du:bong

su:pag ainé airé a:yé kubong!

Arígém kínggí:pé ilíktag

E:g-porogém bojéko o:tag

Ambír bulu bojeko ege-gasorém sumtag,

pogo potiném poge:la

Mo:ténglok aíném tíkumsutag

Su:pag rémkut-sunémé 

Tíyí:munsu-la:dag

Aro mimage!

Ageré mimagé,

Mimagé rémagé,

Mojo:mílo amrag pobangé!

Doksiri দকচিৰি, জানুৱাৰী, ২০২৫