MURKONG

 

MURKONG

                  Mg. Hitesor Kuli

                 Obonori Bogum

Migombí bidung

No la:dung

Ukum dungko amo:sok légangéi bidusong

Aríg iko amo:sok légangéi bidusong

Manggom

Na:né ké agom gomuksém tadbolai bidusong

Í:r pongkírné dírbísém ka:bolai bidusong

Édém no kinsudang

Édém ngolu kinsupaye. 

Tani:é tani:ém répé mé:dung

Tani:é tani:ém kopé mé:dung

Bojarlok rénam konamdém métagéibo

Missampé mé:dagmílo kangkíto sa

Mimolok kinam kangkolokké

Aítí aítí gergo:lo:pé

Murkong, murkong, murkong. 

Bottén tani: lusunélok abayangkoi

Kinmané ajjin tanilok

Luyet luredla

Luyum lupola

Luríd lumadnamki

Silo

Mé:po:la géla:bom:la:ma:dung

Mé:po:la dola:tí:la:ma:dung