ROGNÉKÉ KABAN

  

ROGNÉKÉ KABAN

Mg.Bhobo Dole:

       Ko:jum néng-milbongé do:nyi ménpíla aríg gíge:la koktogdok pérado tumna lé:nam rokpodém sogappé émna idung.Rokpobí dukpísupé émna pata pata émna duggongkang.Rognédé:sin aglíng sa:la pata   pata émna dukpitsudung. Manggo:míndanna Ko:jumbí alabdok bugabla bulenbomto.Édém ka:la Rogné bí ru:némé kumdung.Ru:néno bumtologla ka:ma:ne ? Yerung oté:ma:nam buluk NGOK kumnamsém tatkinmang. Lí:po:dok kargabdolo alab rokpobí rognékolo:pé kangge:la lutér agomko lupé émna idolo yumpinto.Édém ka:la rognébí rébag rébag émdopé miksi dídung.Yumpedge:la guné asído jí:bud lígdolo ka:ríksula:ma:la amigdém migjémlígdung.Sunpungge:la pékke-pégyela kutonanglo tégmígdolo rognébí ludung "Sémpéi ngolum ru:nébí ru:ton ? Tani:lok kénong nopaksunam léga:pé ngolu sí:sa:ton ?

           Alo-mírsí,take: -talab ru:ru:la  pitang oyingki péki:dém ké:dung.Létíg-lakpang ilígla ké:nam oyi:dé gud-gudaila usa:dung.Ko:jumké né:dé yakka:la kangge:la ludung-aipé ngamdung.Ménggang arémdo jo:sagdém tublígbidung.Édé appí:dém ka:la rognébí bérag bérakpé miksi pédong ola napsi-tanyep gergerra dung.Bulu mé:pola dono-noma:pé dodubng odokké  rognébí ka:la asin kila kabla miksi ga:né biddung.

Doksiri দকচিৰি, জানুৱাৰী, ২০২৫