AYANG AKUNKO

 AYANG AKUNKO

                        Janmoni Kuli 

Nok léga:pé ngok asin ara:so 

Ayang akunko yégla lé:tung. 

Ayang po:yubdo nom tedjonsugéla 

Ayang akundém kunsarbipé mé:la 

Ainé longélok ainé ayirko toya:la dung. 

Do:nyé lí:sanggela owa:ng gédu:bong 

Po:lo:bísin sigela karte:n dungkubong 

Ginmur po:losin lékoda a:dungkubong 

Édílo a:yén édé ainé longédé….? 

Silo:ya yampo:ya émna lo:dém toya:la dung 

Ayang akundém nokké kéra:lo

Aín alakki  kunsa:rbipé mé:la.

Atéré asinsé dungki duramdak.... 

Aima:né ésaré sarpadla saryud bomdag…..

Lékoném mé:dag ayang akundém ngo

Nokké kéra:lo kunsar bila:yelang….? 

Ayang akundé asin ara:ngíbo ya:lígmíloka…..?

Bagémpé mé:bégyémílo nganamsé ngasoddag

Émdaggom  kapilaisong nok dumsigdém

Mé:bégmíloi ansí:né ésarko sarpadla 

Adín amírém ansi:modag….

Mé:dír mé:la du:né asiném mé:pomodag.

Nok léga:pé ngok asin ara:so 

Ayang akunko yégla lé:tung.

Ayang akundém nokke kéra:lo

Du:bosugéla Kunsarbipé mé:la 

Ainé longélok ainé ayirko toya:la dung.

Doksiri দকচিৰি, ফেব্ৰুৱাৰী, ২০২৫